இந்திய அணியில் வீரர்கள் அடிக்கடி காயமடைவது பெரும் கவலையை ஏற்படுத்தியுள்ளது. இதனைத் தொடர்ந்து, பிசிசிஐ செயலாளர் தேவாஜித் சைகியா, பெங்களூரில் உள்ள சென்டர் ஆஃப் எக்ஸலன்ஸ் (COE) நிர்வாகத்தை ஆய்வு செய்ய சிஓஇ தலைவர் விவிஎஸ் லட்சுமனைச் சந்திக்க உள்ளார். ஜஸ்பிரித் பும்ரா, ஹர்திக் பாண்டியா மற்றும் பி சாய் சுதர்சன் போன்ற முக்கிய வீரர்கள் காயங்களால் விளையாட முடியாத நிலை ஏற்பட்டுள்ளது.

தற்போது சிஓஇ-யில் உள்ள ஸ்போர்ட்ஸ் சயின்ஸ் குழுவினர் அதிக பணிச்சுமையைச் சந்தித்து வருகின்றனர். காயத்திலிருந்து வீரர்கள் மீண்டு வரும் காலக்கெடு குறித்துத் தேர்வு குழுவிற்கும் சிஓஇ நிர்வாகத்திற்கும் இடையே கருத்து வேறுபாடுகள் இருப்பதாகவும் தகவல்கள் தெரிவிக்கின்றன. வீரர்களை விரைவாகத் தயார் செய்து களத்திற்கு கொண்டு வருவதே பிசிசிஐ-யின் தற்போதைய இலக்காகும்.