கோவென்ட்ரியின் வாரவிக்கு பல்கலைக்கழகத்தில் நடைபெற்ற பிரம்மாண்டமான பிரிட்டிஷ் செஸ் சாம்பியன்ஷிப்பில் 11 வயது போதனா சிவனந்தன் புதிய வரலாறு படைத்துள்ளார். இறுதி ஆட்டத்தில் அயர்லாந்தின் 14 வயது திரிஷா கன்யாமராலாவை வீழ்த்தி, பிரிட்டிஷ் வரலாற்றிலேயே மிக இளம் வயது மகளிர் சாம்பியன் என்ற பெருமையை அவர் பெற்றார்.

அதேபோல், 17 வயது கிராண்ட்மாஸ்டர் ஸ்ரேயாஸ் ராயல் ஒட்டுமொத்த பிரிட்டிஷ் சாம்பியன் பட்டத்தை வென்று அசத்தினார். 122 ஆண்டு கால வரலாற்றில் அதிகபட்சமாக 2,600-க்கும் மேற்பட்டோர் பங்கேற்ற இந்த போட்டியில், இளம் திறமையாளர்களின் ஆதிக்கம் வெளிப்பட்டது.