ஈஸ்போர்ட்ஸ் உலகக் கோப்பையின் உலகளாவிய தூதராக இருக்கும் மேக்னஸ் கார்ல்சன், பாரிஸ் நகரின் பல விளம்பரப் பலகைகளில் இடம்பெற்றுள்ளார். அவருக்குப் போட்டியாக அமெரிக்காவின் ஹிகாரு நக்கமுரா களமிறங்குகிறார். குறிப்பாக புல்லட் செஸ் போட்டிகளில் நக்கமுராவின் ஆதிக்கம் கார்ல்சனுக்குப் பெரும் சவாலாக இருக்கும்.

இந்தத் தொடரில் இந்தியா தனது வலுவான அணியை நிறுத்தியுள்ளது. நிஹால் சரின், அரவிந்த் சித்தம்பரம் மற்றும் பிரணேஷ் எம் ஆகியோர் டீம் S8UL சார்பாகவும், அர்ஜுன் எரிகைசி Gen.G ஈஸ்போர்ட்ஸ் சார்பாகவும் விளையாடுகின்றனர். 1.5 மில்லியன் டாலர் பரிசுத்தொகையை வெல்லும் முனைப்பில் இந்திய வீரர்கள் உள்ளனர்.