2026 கிளாஸ்கோ காமன்வெல்த் போட்டிகளில் வெள்ளிப் பதக்கம் வென்ற இந்திய பாக்ஸர் லவ்லினா போர்கோஹைனை பிரதமர் நரேந்திர மோடி வெகுவாகப் பாராட்டினார். விளையாட்டு வெற்றியைத் தாண்டி, கிளாஸ்கோவின் ஒரு உணவகத்தில் இந்தியாவின் வரைபடம் தவறாக இருந்ததை லவ்லினா கண்டறிந்து அதைத் திருத்தக் கோரியிருந்தார். வீரர்களைச் சந்தித்தபோது, பிரதமர் மோடி இந்தச் சம்பவத்தைப் பற்றி நகைச்சுவையாகக் கேட்டு, அவரது இந்தச் செயல் சாதாரணமானது அல்ல என்றும் மக்கள் இதை நீண்ட காலம் நினைவில் வைத்திருப்பார்கள் என்றும் கூறினார்.

இந்திய பாக்ஸிங் அணி உணவகத்திற்குச் சென்றபோது, அங்குள்ள மேப்-களில் வடகிழக்கு மாநிலங்கள் விடுபட்டிருந்தது லவ்லினாவின் கவனத்திற்கு வந்தது. அசாம் மாநிலத்தைச் சேர்ந்த லவ்லினா, மிகவும் கண்ணியமான முறையில் உணவக நிர்வாகத்திடம் தனது ஆட்சேபனையைத் தெரிவித்தார். இதன் விளைவாக, உணவகம் தனது தவறுக்கு மன்னிப்பு கேட்டு வரைபடத்தைத் திருத்தியது. வெற்றிக் கொண்டாட்டத்தின் இடையிலும் தேசத்தின் வரைபடத்தின் முக்கியத்துவத்தை உணர்ந்த லவ்லினாவின் விழிப்புணர்வினை பிரதமர் வெகுவாகப் பாராட்டினார்.