சிபிஎல் 2026 தொடரில் ஜமைக்கா கிங்ஸ்மென்ஸிற்காக விளையாடிய ஆண்ட்ரே ரஸ்ஸல், பார்கடோஸ் டிரிடண்ட்ஸ் அணிக்கு எதிராக அதிரடியான ஆட்டத்தை வெளிப்படுத்தினார். 7வது வரிசையில் களமிறங்கிய ரஸ்ஸல், 38 பந்துகளில் 178.95 ஸ்டிரைக் ரேட்டில் 68 ரன்களைக் குவித்தார். இந்த இன்னிங்ஸில் அவர் 9 சிக்ஸர்களை அடித்தார், ஆனால் ஒரு ஃபோர் கூட அடிக்கவில்லை என்பது குறிப்பிடத்தக்கது.

முதலில் பேட்டிங் செய்த பார்கடோஸ் டிரிடண்ட்ஸ் அணி, பிரெண்டன் கிங்கின் 73 ரன்கள் உதவியுடன் 20 ஓவர்களில் 3 விக்கெட்டுகளில் 206 ரன்கள் எடுத்தது. இதனைத் தொடர்ந்து சவாலை எதிர்கொண்ட ஜமைக்கா கிங்ஸ்மென்ஸ் அணி, 20 ஓவர்களில் 9 விக்கெட்டுகளை இழந்து 201 ரன்கள் மட்டுமே எடுத்தது. இதனால் 5 ரன்கள் வித்தியாசத்தில் தோல்வியைத் தழுவியது ஜமைக்கா அணி. பார்கடோஸிற்காக டேனியல் சாம்ஸ் 4 விக்கெட்டுகளை வீழ்த்தினார்.