ஆஸ்திரேலிய பெண் அணியின் துணைத் தலைவியாக ஆஷ்லே கார்ட்னரை கிரிக்கெட் ஆஸ்திரேலியா தொடர்ந்து தக்கவைத்துள்ளது. இருப்பினும், அவரது சக வீரர் ஜார்ஜியா வோல் உடனான உறவு பொதுவெளியில் வெளிவந்ததைத் தொடர்ந்து, வீரர்களைத் தேர்ந்தெடுக்கும் விவாதங்களில் அவரது பங்களிப்பை முறைப்படுத்த புதிய பாதுகாப்பு வழிமுறைகளை நிர்வாகம் அறிமுகப்படுத்தியுள்ளது.

கிரிக்கெட் ஆஸ்திரேலியாவின் தலைமை நிர்வாகி டாட் கிரீன்பெர்க் கூறுகையில், கார்ட்னரின் தலைமைப் பொறுப்பிற்கு வாரியத்தின் முழு ஆதரவு உண்டு என்று தெரிவித்தார். அதே சமயம், 'வேலையில் மரியாதை' (Respect at Work) கொள்கையின் கீழ், தலைமைப் பொறுப்பில் உள்ள வீரர்கள் மூலம் தேர்வுக் குழுவில் எந்தவிதமான சார்புநிலையோ அல்லது தவறான புரிதலோ ஏற்படக்கூடாது என்பதற்காக கூடுதல் கட்டுப்பாடுகள் விதிக்கப்பட்டுள்ளன.

ஜார்ஜியா வோல் அணியில் இடம்பெறுவது குறித்த விவாதங்களில் கார்ட்னரை விலக்கிக் கொள்ள வேண்டும் என்பதை நிர்வாகம் உறுதிப்படுத்தியுள்ளது. இது குறித்து கருத்து தெரிவித்த கார்ட்னர், தனது துணைத் தலைவி என்ற பொறுப்பைக் கருத்தில் கொண்டு இந்த விவகாரத்தை கிரிக்கெட் ஆஸ்திரேலியா கையாள்வது அவசியம் என்பதைப் புரிந்து கொண்டதாகத் தெரிவித்துள்ளார்.