முன்னாள் இந்திய வீரர் ஹர்பஜன் சிங், ஒருநாள் கிரிக்கெட்டில் தனக்கு எந்த ஆர்வமும் இல்லை என்றும், டெஸ்ட் கிரிக்கெட்டைப் பார்க்கத் தான் பணம் கொடுப்பேன் என்றும் கூறியுள்ளார். 45 வயதான அவர், டெஸ்ட் கிரிக்கெட்டே விளையாட்டின் முதன்மை வடிவம் என்று கருதுவதால், ஐசிசி டெஸ்ட் கிரிக்கெட்டை உயிர்ப்புடன் வைத்திருக்க அனைத்து முயற்சிகளையும் எடுக்க வேண்டும் என்று வலியுறுத்தினார்.

கிரிக்கெட் விளையாட்டு தற்போது பிரான்சைஸ் கிரிக்கெட்டை நோக்கி நகர்ந்து வருவதையும் அவர் சுட்டிக்காட்டினார். இந்தியா ஆஸ்திரேலியா அல்லது இங்கிலாந்து போன்ற அணிகளுடன் விளையாடும்போது மட்டுமே அதிக பார்வையாளர்கள் உள்ளனர், ஆனால் இலங்கை அல்லது ஆப்கானிஸ்தானுடன் விளையாடும்போது பார்வையாளர்களின் எண்ணிக்கை குறைகிறது என்று அவர் கூறினார். அதே சமயம் ஐபிஎல் போன்ற தொடர்களில் டிக்கெட் கிடைப்பதே கடினமாக உள்ளது, இது சர்வதேச கிரிக்கெட்டின் முக்கியத்துவத்தைக் குறைப்பதாக அவர் குறிப்பிட்டார்.