இலங்கை அணியின் மர்ம ஸ்பினரான அஜந்தா மெண்டீஸ், தனது கேரம் பால் பந்து வீச்சால் இந்தியர்களை திணறடித்தவர். கிரிக்கெட் உலகை அதிரவைத்த அவர், தற்போது ராணுவத்தில் உயர் அதிகாரியாக பணியாற்றி வருகிறார்.
இலங்கை கிரிக்கெட்டின் மர்மமான 'கேரம் பால்' வித்தையை உலகிற்கு அறிமுகப்படுத்தியவர் அஜந்தா மெண்டீஸ். 2008 ஆசியக் கோப்பை இறுதிப் போட்டியில் இந்தியாவைச் சவாலுக்கு உட்படுத்திய அவரது பந்துவீச்சு இன்றும் மறக்க முடியாதது. அந்தப் போட்டியில் 8 ஓவர்களில் வெறும் 13 ரன்களைக் கொடுத்து 6 விக்கெட்டுகளை வீழ்த்தி இந்திய அணியை நிலைகுலையச் செய்தார்.
அவரது அபாரமான ஆட்டத்தைப் பாராட்டி, இலங்கை ராணுவத்தில் ஒரு சாதாரண வீரராக இருந்த அவர், நேரடியாக லெப்டினன்ட் பதவிக்கு உயர்த்தப்பட்டார். 19 டெஸ்ட் போட்டிகளில் 70 விக்கெட்டுகள் மற்றும் 87 ஒருநாள் போட்டிகளில் 152 விக்கெட்டுகளைக் கடந்து அவர் ஒரு சிறந்த தாக்கத்தை ஏற்படுத்தினார். இருப்பினும், முதுகுத் தசை காயங்கள் மற்றும் பார்வையின் மாற்றத்தால் அவர் கிரிக்கெட்டில் இருந்து விலக வேண்டியிருந்தது.
2019 ஆம் ஆண்டில் அனைத்து கிரிக்கெட் வடிவங்களிலிருந்தும் அவர் ஓய்வு பெற்றார். தற்போது 41 வயதாகும் மெண்டீஸ், கிரிக்கெட் மைதானங்களை விட்டு விலகி, தனது ராணுவப் பணியில் ஒரு முக்கிய அதிகாரியாகப் பணியாற்றி வருகிறார்.
