காயத்திலிருந்து மீண்டு வந்த ஆஸ்திரேலிய வேகப்பந்து வீச்சாளர் ஜோஷ் ஹேசல்வுட், வங்கதேசத்திற்கு எதிரான டெஸ்ட் போட்டியில் 6 விக்கெட்டுகளை வீழ்த்தி 300 விக்கெட் என்ற மைல்கல்லை எட்டியுள்ளார்.
ஆஸ்திரேலியாவின் நட்சத்திர வேகப்பந்து வீச்சாளர் ஜோஷ் ஹேசல்வுட், காயத்திலிருந்து மீண்டு டெஸ்ட் கிரிக்கெட்டில் பிரம்மாண்டமான மறுவருகையைச் செய்துள்ளார். டார்வினில் வங்கதேசத்திற்கு எதிரான டெஸ்ட் போட்டியில், முதல் இன்னிங்ஸில் 89 ரன்களைக் கொடுத்து 6 விக்கெட்டுகளை வீழ்த்தினார். இதன் மூலம் டெஸ்ட் கிரிக்கெட்டில் 300 விக்கெட்டுகளைக் கடந்த ஒன்பதாவது ஆஸ்திரேலிய வீரர் என்ற சாதனையைப் படைத்துள்ளார்.
ஹேசல்வுட்டின் இந்த சாதனையுடன் ஆஸ்திரேலியாவின் பந்துவீச்சுப் பிரிவு ஒரு உலக சாதனையை படைத்துள்ளது. ஹேசல்வுட், நேதன் லயன், மிட்செல் ஸ்டார்க் மற்றும் பேட் கம்மின்ஸ் ஆகிய நால்வருமே டெஸ்ட் கிரிக்கெட்டில் 300 மற்றும் அதற்கு மேற்பட்ட விக்கெட்டுகளைக் கடந்துள்ளனர். டெஸ்ட் வரலாற்றிலேயே ஒரு அணியின் நான்கு பந்துவீச்சாளர்கள் ஒரே நேரத்தில் 300 விக்கெட்டுகளைக் கடந்து விளையாடுவது இதுவே முதல் முறையாகும்.
