பிரதமர் நரேந்திர மோடியின் ஒரு வீடியோ பதிவு தவறுதலாக நீக்கப்பட்ட விவகாரம் குறித்து மெட்டா நிறுவனம் விளக்கம் அளித்துள்ளது. தொழில்நுட்பக் கோளாறு காரணமாக அந்தப் பதிவு தடை செய்யப்பட்டதாகவும், தற்போது அது மீண்டும் மீட்கப்பட்டுள்ளதாகவும் மெட்டா தெரிவித்துள்ளது.

மாணவர்கள் தொடர்பான விவகாரங்கள் குறித்து பிரதமர் மோடி பேசிய அந்த வீடியோ கடந்த வியாழக்கிழமை நள்ளிரவில் பதிவேற்றப்பட்டது. இந்த வீடியோ நீக்கப்பட்டதையடுத்து அரசியல் தலைவர்கள் மற்றும் பொதுமக்களிடையே கடும் எதிர்ப்பு கிளம்பியது. இது ஒரு தொழில்நுட்பத் தவறு என்று மெட்டாவின் செய்தித் தொடர்பாளர் தெளிவுபடுத்தியுள்ளார்.