ஜிமெயில் கடவுச்சொல்லை மறந்துவிட்டு, அதனுடன் இணைக்கப்பட்ட மொபைல் எண் அல்லது மீட்புத் தகவல் கைவசம் இல்லாதபோது பயனர்கள் பெரும் சிரமத்திற்கு உள்ளாகின்றனர். இந்தத் தேவையைப் பூர்த்தி செய்ய கூகுள் 'செல்ஃபி வீடியோ' என்ற புதிய அம்சத்தை அறிமுகப்படுத்த உள்ளது. இதன் மூலம் பயனர்கள் தங்கள் முகத்தை சரிபார்ப்பதன் மூலம் கடவுச்சொல்லை மீட்டெடுக்க முடியும்.

இந்த வசதியைப் பயன்படுத்த, பயனர்கள் முதலில் அமைப்பின் போது ஒரு சிறிய வீடியோவை பதிவு செய்ய வேண்டும். பின்னர் கடவுச்சொல்லை மறந்தால், கூகுள் நேரடி வீடியோவை பதிவு செய்ய அனுமதிக்கும். இதில் ஏற்கனவே பதிவு செய்யப்பட்ட வீடியோ அல்லது புகைப்படங்களைப் பயன்படுத்த முடியாது; நேரடி வீடியோ மட்டுமே ஏற்றுக்கொள்ளப்படும்.

பாதுகாப்பு விஷயத்தில் கூகுள் மிகுந்த எச்சரிக்கையுடன் உள்ளது. இந்த புதிய சரிபார்ப்பு முறையில் பல அடுக்கு பாதுகாப்பு உள்ளது. இது உண்மையான வீடியோவை மட்டுமே அங்கீகரிக்கும் மற்றும் டீப்ஃபேக் (Deepfake) வீடியோக்களைக் கூட துல்லியமாகக் கண்டறியும் திறன் கொண்டது.