ஆப்பிள் ஒவ்வொரு ஆண்டும் புதிய ஐபோன்களை அறிமுகப்படுத்தினாலும், 2027 ஆம் ஆண்டு மிகவும் முக்கியமானது. ஐபோன் அறிமுகமாகி 20 ஆண்டுகள் நிறைவடையும் இந்தத் தருணத்தில், ஆப்பிள் அதன் வடிவமைப்பை முழுமையாக மாற்றியமைக்க வாய்ப்புள்ளதாகத் தகவல்கள் தெரிவிக்கின்றன. ஐபோன் X-க்கு பிறகு இதுவே மிகப்பெரிய மாற்றமாக இருக்கும் என்று எதிர்பார்க்கப்படுகிறது.

புதிய ஐபோன் 20 முற்றிலும் கண்ணாடி போன்ற 'ஆல் கிளாஸ்' வடிவமைப்பைக் கொண்டிருக்கலாம். மேலும், டைனமிக் ஐலேண்ட் நீக்கப்பட்டு, ஃபேஸ் ஐடி மற்றும் முன்பக்க கேமரா திரையின் அடியிலேயே மறைந்துவிடக்கூடும். 200 மெகாபிக்சல் முதன்மை கேமரா மற்றும் பிசிகல் பட்டன்களுக்குப் பதிலாக ஹேப்டிக் பட்டன்கள் அறிமுகப்படுத்தப்படலாம் என்றும் கூறப்படுகிறது.