ஆகஸ்ட் 3 அன்று இந்தியா மற்றும் வெளிநாடுகளில் உள்ள பல வாட்ஸ்அப் பயனர்கள் தற்காலிகமாகத் தங்கள் கணக்குகளைப் பயன்படுத்த முடியாமல் போனது தெரியவந்துள்ளது. அவர்களின் கணக்குகள் 24 மணிநேரம் வரை 'ஆய்வில்' (under review) வைக்கப்பட்டன.

தவறான பயன்பாட்டைத் தடுக்கவே கணக்குகளை ஆய்வு செய்வதாகவோ அல்லது தடை செய்வதாகவோ வாட்ஸ்அப் தெரிவித்துள்ளது. இருப்பினும், சில நேரங்களில் இந்த நடைமுறையில் தவறுகள் நடக்கக்கூடும் என்பதையும் அந்நிறுவனம் ஒப்புக்கொண்டுள்ளது. சில பயனர்கள் பின்னர் மீண்டும் தங்கள் கணக்குகளைப் பயன்படுத்த முடிந்தது.