பெங்களூரைச் சேர்ந்த AI ஸ்டார்ட்அப் BLUE (KGraph AI Solutions Pvt. Ltd.), உலகின் முதல் செமாண்டிக் வீடியோ கோடெக்கை வெளியிட்டுள்ளது. இந்தத் தொழில்நுட்பம் தற்போதுள்ள கேமராக்களில் இருந்து எடுக்கப்படும் வீடியோக்களை, நிகழ்நேரத்தில் செயலாக்கக்கூடிய AI-தயார் தரவுகளாக மாற்றுகிறது. இதன் மூலம் நிறுவனங்கள் தங்களின் தற்போதைய கேமரா அமைப்புகளை மாற்றாமலேயே சிறந்த நுண்ணறிவுகளைப் பெற முடியும்.

இந்தத் தொழில்நுட்பம் இணையப் பயன்பாட்டை (Bandwidth) 90% வரை குறைக்கவும், வீடியோ சேமிப்புச் செலவை 10 மடங்கு வரை குறைக்க உதவும் என்றும் BLUE தெரிவித்துள்ளது. பிரிட்டானியா, அல்டிமா மற்றும் HPCL போன்ற முன்னணி நிறுவனங்கள் ஏற்கனவே இந்தத் தீர்வைப் பயன்படுத்தி வருகின்றன. இது நிறுவனங்களின் செயல்பாட்டுச் செலவை 30-40% வரை குறைக்க உதவும் என்று எதிர்பார்க்கப்படுகிறது.