ஆக்கிரமிக்கப்பட்ட மேற்குத் தொடர்ச்சி மலைப் பகுதியில் உள்ள நபலஸிற்கு தென்மேற்கே அமைந்துள்ள தால் நகரில் இஸ்ரேலியப் படையினர் மற்றும் குடியேறிகள் நடத்திய தாக்குதலில் நான்கு பாலஸ்தீனியர்கள் கொல்லப்பட்டனர். இந்தத் தாக்குதலில் மேலும் நான்கு பாலஸ்தீனியர்கள் காயமடைந்தனர், அவர்களில் மூவரின் நிலைமை கவலைக்கிடமாக இருப்பதாக பாலஸ்தீனிய சுகாதார அமைச்சகம் தெரிவித்துள்ளது.

சுமார் 25 முதல் 30 இஸ்ரேலிய குடியேறிகள் நகரின் கிழக்கு பகுதிக்குத் தாக்குதல் நடத்தி வீடுகளைத் தகர்க்க முயன்றதாக உள்ளூர் தலைவர்கள் தெரிவித்தனர். இதனைத் தடுக்க முயன்ற மக்கள் மீது குடியேறிகள் துப்பாக்கிச் சூடு நடத்தினர். பின்னர் அங்கு வந்த இஸ்ரேலிய இராணுவமும் குடியேறிகளுடன் இணைந்து தாக்குதல் நடத்தியதாகக் கூறப்படுகிறது. இருப்பினும், இப்பகுதியில் நடைப்பயணம் மேற்கொண்ட இஸ்ரேலியர்கள் மீது தாக்குதல் நடத்தப்பட்டதையடுத்துவே தாங்கள் அங்கு சென்றதாக இஸ்ரேலிய ராணுவம் கூறியுள்ளது.

இந்தச் சம்பவத்தைத் தொடர்ந்து இஸ்ரேலியப் படையினர் நகரைச் சுற்றி பாதுகாப்பு வளையத்தை ஏற்படுத்தி, முக்கியச் சாலைகளைத் தடுத்துள்ளனர். இந்தத் தாக்குதலை பாலஸ்தீனிய வெளியுறவு அமைச்சகம் வன்மையாகக் கண்டித்துள்ளது.