அமெரிக்காவின் ஃபெடரல் மேல்முறையீட்டு நீதிமன்றம், உயர் திறன் கொண்ட வெளிநாட்டு ஊழியர்களுக்கான H-1B விசாக்களுக்கு $100,000 கட்டணம் விதிக்கும் டிரம்ப் நிர்வாகத்தின் முடிவை ரத்து செய்த கீழ் நீதிமன்ற உத்தரவை நீடிக்க மறுத்துவிட்டது. போஸ்டன் மாகாணத்தின் ஃபர்ஸ்ட் சர்க்யூட் கோர்ட் ஆப் அப்பீல்ஸ் மூன்று நீதிபதிகள் கொண்ட அமர்வு, இந்த கட்டணம் காங்கிரஸால் அங்கீகரிக்கப்படாத சட்டவிரோத வரி என்று கூறி வழங்கப்பட்ட தீர்ப்பை உறுதி செய்தது.

டிரம்ப் நிர்வாகம் கடந்த ஆண்டு செப்டம்பரில் புதிய H-1B விசாக்களைப் பெறுவதற்கு $100,000 கட்டணம் விதிக்க உத்தரவிட்டிருந்தது. இந்த விசாக்கள் முக்கியமாக இந்தியா மற்றும் சீனா போன்ற நாடுகளிலிருந்து தொழில்நுட்ப வல்லுநர்களை அமெரிக்க நிறுவனங்கள் பணியமர்த்த உதவுகின்றன. வழக்கமாக இந்த விசாக்களுக்கான கட்டணம் $2,000 முதல் $5,000 வரை மட்டுமே இருக்கும் என்பது குறிப்பிடத்தக்கது.