அமெரிக்காவின் விசா விதிகளில் கடுமையான மாற்றங்களைக் கொண்டுவர டொனால்ட் ட்ரம்ப் நிர்வாகம் திட்டமிட்டுள்ளது. இதன்படி, வெளிநாட்டுப் பத்திரிகையாளர்களின் சமூக ஊடகப் பதிவுகள் ஆய்வு செய்யப்படலாம். இது அமெரிக்காவில் செய்தி சேகரிப்பவர்களுக்குப் புதிய சவால்களை ஏற்படுத்தும் வகையில் அமையும்.

இந்தத் திட்டம் கனடா மற்றும் மெக்சிகோ நாட்டுத் தொழிலாளர்களுக்கும் பொருந்தும் என்று கூறப்படுகிறது. மேலும், சர்வதேச மாணவர்கள் (F விசா) மற்றும் கலாச்சாரப் பரிமாற்றப் பார்வையாளர்களுக்கான (J விசா) தங்கும் கால வரம்பையும் அமெரிக்கப் பாதுகாப்புத் துறை மாற்றியமைத்துள்ளது. அமெரிக்காவில் அதிகப்படியான இந்திய மாணவர்கள் இருப்பதால், இந்த மாற்றங்கள் இந்தியர்களிடம் பெரும் தாக்கத்தை ஏற்படுத்தும்.