ஹைதராபாத்தை தளமாகக் கொண்ட ஸ்வயம்ருஷி என்ற தன்னார்வத் தொண்டு நிறுவனம், அறிவுசார் குறைபாடு உள்ளோரைச் சுயசார்புடன் வாழச் செய்வதற்காக கல்வி மற்றும் தொழிற்பயிற்சி அளிப்பதில் 35 ஆண்டுகளைக் கொண்டாடுகிறது. நிறுவனத்தின் நிறுவனர் மஞ்சுளா கல்யாண் கூறுகையில், 18 வயதிற்கு மேற்பட்ட அறிவுசார் குறைபாடு உள்ள பெண்களுக்காகப் பள்ளிகள் மற்றும் விடுதிகளைத் தாங்கள் நடத்தி வருவதாகத் தெரிவித்தார்.

இந்நிறுவனத்தின் மாணவர்கள் பல சாதனைகளைப் புரிந்துள்ளனர். அறிவுசார் குறைபாடு உள்ளவர்கள் தேசிய அளவில் NCC பயிற்சி முகாமில் பங்கேற்ற முதல் குழுவாக இவர்கள் சாதனை படைத்துள்ளனர். மேலும், சிறப்பு குழந்தைகளுக்கான தேசிய ஒலிம்பியாட்டில் நான்கு தங்கம் மற்றும் ஒரு வெள்ளிப் பதக்கங்களையும் வென்றுள்ளனர். தற்போது ஸ்வயம்ருஷி மூலம் பயிற்சி பெற்ற 10 பெண்கள் சூப்பர் மார்க்கெட்டுகளில் பணியில் உள்ளனர்.