జూలై నెలలో ప్యాసింజర్ వాహనాల మార్కెట్‌లో మంచి వృద్ధి కనిపించింది. ముఖ్యంగా MPV మరియు 7-సీటర్ SUV విభాగంలో అమ్మకాలు 90,788 యూనిట్లకు చేరుకున్నాయి. గత ఏడాది జూలైలో ఈ విభాగంలో అమ్మకాలు 72,686 యూనిట్లు మాత్రమే ఉండగా, ఈ ఏడాది 24.9% వృద్ధి నమోదైంది.

అత్యధికంగా అమ్ముడవుతున్న 7-సీటర్ కారుగా మార్తి సుజుకి ఎర్టిగా నిలిచింది. జూలైలో మాత్రమే 21,606 ఎర్టిగా యూనిట్లు అమ్ముడయ్యాయి, ఇది ఏడాది ప్రాతిపదికన 30.1% పెరుగుదల. ప్రస్తుతం 7-సీటర్ మార్కెట్‌లో ఎర్టిగా వాటా 23.8% గా ఉంది. దీని ప్రారంభ ఎక్స్-షోరూమ్ ధర రూ. 8.85 లక్షలు.

ఈ కారు 1462 CC ఇంజిన్‌తో పెట్రోల్ మరియు CNG వెర్షన్లలో లభిస్తుంది. CNGలో ఇది 26.11 కిమీ/కిలో మరియు పెట్రోల్‌లో 20 కిమీ/లీటరు మైలేజీని అందిస్తుంది. భద్రత కోసం బేస్ వేరియంట్ నుండే 6 ఎయిర్‌బ్యాగ్‌లు, ABS మరియు EBD వంటి ఫీచర్లు అందుబాటులో ఉన్నాయి.