భారత్‌లో తయారయ్యే ఎలక్ట్రిక్ కార్ల డిమాండ్ ఇప్పుడు కేవలం దేశీయ మార్కెట్‌కే పరిమితం కాలేదు. ప్రపంచవ్యాప్తంగా అనేక దేశాల్లో భారతీయ EVలు వేగంగా గుర్తింపు పొందుతున్నాయి. 2026 ఏప్రిల్ నుండి జూన్ మధ్య కాలంలో భారత ఎలక్ట్రిక్ కార్ల ఎగుమతిలో భారీ వృద్ధి నమోదైంది. ఈ సమయంలో భారతదేశం నుండి 15,641 ఎలక్ట్రిక్ కార్లు విదేశాలకు పంపబడ్డాయి.

గత ఏడాది ఏప్రిల్-జూన్ మధ్య ఈ సంఖ్య కేవలం 1,122 యూనిట్లు మాత్రమే. అంటే కేవలం ఒక్క ఏడాదిలోనే EV ఎగుమతులు సుమారు 14 రెట్లు పెరిగాయి. ఈ రికార్డు ఎగుమతుల్లో మారుతి సుజుకి e-Vitara కీలక పాత్ర పోషించింది. ఈ కారును ప్రపంచంలోని 47 దేశాలకు 15,210 యూనిట్ల స్థాయిలో ఎగుమతి చేశారు.

గుజరాత్‌లోని మారుతి సుజుకి ప్లాంట్‌లో తయారయ్యే ఈ కారు యూరప్‌తో సహా అనేక అంతర్జాతీయ మార్కెట్లకు చేరుతోంది. మారుతి విజయాన్ని చూసి టాటా మోటార్స్ మరియు మహీంద్రా కూడా తమ ఎలక్ట్రిక్ కార్లను విదేశీ మార్కెట్లలోకి తీసుకురావడానికి సిద్ధమవుతున్నాయి.