భారతదేశంలోని ధనవంతుల జాబితా ఇప్పుడు మారుతోంది. గతంలో పెద్ద వ్యాపార సామ్రాజ్యాల వారసులే ఇందులో ఉండేవారు, కానీ ఇప్పుడు కొత్త తరం స్టార్టప్ వ్యవస్థాపకులు అతి తక్కువ వయసులోనే బిలియనీర్లుగా మారుతున్నారు. ఈ మార్పుకు నిలువుటద్దం Zepto కో-ఫౌండర్ కైవల్య వోహ్రా. ఆయన సాంకేతికతను ఉపయోగించి దేశవ్యాప్తంగా ప్రాచుర్యం పొందిన యాప్‌ను రూపొందించారు.

కైవల్య వోహ్రా మరియు ఆయన స్నేహితుడు ఆదిత్ పలిచా స్టాన్‌ఫోర్డ్ యూనివర్శిటీలో చదువుతున్నప్పుడే తమ ఐడియాలపై దృష్టి సారించి కాలేజీని వదిలిపెట్టారు. కోవిడ్ సమయంలో వాట్సాప్ ద్వారా గ్రాసరీ డెలివరీతో మొదలైన వీరి ప్రయాణం, 2021లో Zepto గా రూపాంతరం చెందింది. కేవలం 10 నిమిషాల్లో డెలివరీ అందించే వీరి మోడల్ మరియు ఆర్టిఫిషియల్ ఇంటెలిజెన్స్ (AI) వినియోగం Zepto ని అగ్రగామిగా నిలబెట్టాయి.