ప్రభుత్వ రంగ బ్యాంక్ ఆఫ్ మహారాష్ట్ర (BOM) తన వినియోగదారులకు భారీ ఊరటనిస్తూ హోమ్ లోన్ వడ్డీ రేట్లను తగ్గించింది. 'మాన్సూన్ ధమాకా' అనే ప్రత్యేక ఆఫర్ కింద, ప్రస్తుతం ఉన్న 7.1 శాతం వడ్డీ రేటును 7 శాతానికి తగ్గించింది. ఈ ఆఫర్ పరిమిత కాలం మాత్రమే అందుబాటులో ఉంటుంది.

ఈ పథకం ద్వారా వినియోగదారులు కేవలం తక్కువ వడ్డీనే కాకుండా, ప్రాసెసింగ్ ఫీజు మరియు డాక్యుమెంటేషన్ ఫీజుల నుండి కూడా విముక్తి పొందవచ్చు. తక్కువ వడ్డీ రేట్లు మరియు ఫీజుల మినహాయింపు వల్ల కస్టమర్ల నెలవారీ EMI భారం తగ్గుతుంది. వినియోగదారుల ఇంటి కలలను సాకారం చేయడమే ఈ నిర్ణయం వెనుక ఉన్న ముఖ్య ఉద్దేశం అని బ్యాంక్ పేర్కొంది.