ఒక ప్రముఖ టెక్ కంపెనీ నుండి ఉద్యోగ ప్రతిపాదన వచ్చిన ఒక అభ్యర్థి, తన ఇంటర్వ్యూ అనుభవం 'కార్పొరేట్ అహంకారానికి పరాకాష్ట'గా ఉందని పేర్కొన్నారు. కంపెనీ తనను నేరుగా సంప్రదించినప్పటికీ, ఇంటర్వ్యూలో భాగంగా 48 గంటల వ్యవధిలో ఒక క్లిష్టమైన స్ట్రాటజీ అసైన్‌మెంట్‌ను పూర్తి చేయాలని కోరింది. దీని కోసం అభ్యర్థి తన సమయాన్ని, శ్రమను వెచ్చించాల్సి వచ్చింది.

అసైనమెంట్‌ తర్వాత జరిగిన ఇంటర్వ్యూలో పరిస్థితి మరింత దారుణంగా మారింది. ఇంటర్వ్యూ చేసే మేనేజర్ అభ్యర్థి సమాధానాలను మధ్యలో ఆపేస్తూ, అతడిని తప్పు పట్టేలా ప్రవర్తించారు. అభ్యర్థి చెప్పిన గణాంకాలు సరైనవయినప్పటికీ, మేనేజర్ వాటిని అంగీకరించకుండా తప్పుగా నిరూపించడానికి ప్రయత్నించారు. అంతేకాకుండా, అభ్యర్థి చేయాల్సిన పనికి తగిన జీతం కూడా ఆ కంపెనీ ప్రతిపాదించలేదని ఆయన ఆవేదన వ్యక్తం చేశారు.

ఈ విషయం రెడిట్ (Reddit) వేదికగా బయటకు రాగానే నెటిజన్లు పెద్ద ఎత్తున స్పందించారు. కంపెనీలు అభ్యర్థుల ఐడియాలను ఉచితంగా దొంగిలించడానికి ఇలాంటి అసైన్‌మెంట్లు ఇస్తాయని కొందరు అభిప్రాయపడ్డారు. అలాగే, అనేక సంస్థల్లో మేనేజర్లకు సరైన ఇంటర్వ్యూ నైపుణ్యాలు లేవని కూడా చర్చ జరుగుతోంది.