క్యాబ్ అగ్రిగేటర్లు తమ యాప్ల నుండి అడ్వాన్స్ టిప్ లేదా అదనపు పేమెంట్ ఆప్షన్లను తొలగించాలని రోడ్డు రవాణా మరియు రహదారుల మంత్రిత్వ శాఖ ఆదేశించింది. ఓలా, ఉబెర్ వంటి సంస్థలు ఈ నిబంధనలను వెంటనే అమలు చేయాలి.
రోడ్డు రవాణా మరియు రహదారుల మంత్రిత్వ శాఖ క్యాబ్ అగ్రిగేటర్లకు కఠినమైన ఆదేశాలను జారీ చేసింది. మొబైల్ యాప్లు మరియు డిజిటల్ ప్లాట్ఫారమ్ల నుండి టిప్ లేదా అదనపు చెల్లింపులకు సంబంధించిన అన్ని ఫీచర్లను తొలగించాలని కోరింది. ప్రయాణం ప్రారంభం కావడానికి ముందే అదనపు చెల్లింపుల గురించి మెసేజ్లు చూపడం మోటార్ వెహికల్ అగ్రిగేటర్ గైడ్లైన్స్, 2025 నిబంధనలకు విరుద్ధమని మంత్రిత్వ శాఖ తెలిపింది.
'అడ్వాన్స్ టిప్' లేదా 'వేగంగా రైడ్ కన్ఫర్మ్ కావడానికి అదనపు డబ్బు చెల్లించండి' వంటి ఆప్షన్లను ఇకపై చూపకూడదు. ప్రయాణికులు తమకు నచ్చిన విధంగా, ప్రయాణం పూర్తయిన తర్వాత మాత్రమే డ్రైవర్కు టిప్ ఇవ్వవచ్చు. డ్రైవర్కు వచ్చే టిప్ మొత్తంలో అగ్రిగేటర్లు ఎలాంటి కటింగ్ చేయకూడదు, పూర్తి మొత్తాన్ని డ్రైవర్కే అందించాలి.
