ఉత్తరప్రదేశ్‌లోని వారణాసిలో ఒక 26 ఏళ్ల యువకుడిని అతని లివ్-ఇన్ భాగస్వామి అత్యంత క్రూరంగా హత్య చేశాడు. మరణించిన దీపన్షు రాయ్ పశ్చిమ బెంగాల్‌కు చెందిన వ్యక్తి. సోనర్‌పుర నివాసి అయిన కుష్ పాండే అనే వ్యక్తి సోమవారం రాత్రి దీపన్షుపై వంటగది కత్తితో దాడి చేశాడు. వీరిద్దరూ ఒక ఏడాది కాలంగా అద్దె గదిలో కలిసి ఉంటున్నారు.

పోలీసుల కథనం ప్రకారం, మద్యం సేవించిన తర్వాత వీరిద్దరి మధ్య తరచుగా గొడవలు జరిగేవి. సోమవారం రాత్రి జరిగిన గొడవలో కుష్ పాండే దీపన్షు పొట్టపై ఐదుసార్లు కత్తితో పొడిచాడు. ఘటన తర్వాత నిందితుడు స్వయంగా పోలీసులకు సమాచారం అందించాడు. పోలీసులు నిందితుడిని అరెస్ట్ చేసి, మృతదేహాన్ని పోస్ట్‌మార్టం కోసం పంపారు.