గోవాలోని కలాంగుట్ బీచ్ సమీపంలో ఒక విల్లా నుండి గత 6-8 నెలలుగా సుమారు ₹500 కోట్ల సైబర్ మోసాలకు పాల్పడుతున్న 12 మందిని ముంబై పోలీసులు అరెస్ట్ చేశారు. ఈ ముఠాకు దుబాయ్‌లోని అంతర్జాతీయ సిండికేట్‌తో సంబంధం ఉందని పోలీసులు తేల్చారు. ఆన్‌లైన్ గేమింగ్ మరియు డిజిటల్ అరెస్ట్ స్కామ్‌ల ద్వారా ఈ నిధులను సేకరించినట్లు దర్యాప్తులో తెలిసింది.

డిసిపి డిటెక్షన్ రాజ తిలక్ రోషన్ తెలిపిన వివరాల ప్రకారం, నిందితులు గుజరాత్‌లోని అహ్మదాబాద్ లేదా రాజ్‌కోట్ నుండి 20 నుండి 25 ఏళ్ల వయస్సు గల యువకులను నియమించుకున్నారు. వీరికి 10 నుండి 15 రోజుల ప్రత్యేక శిక్షణ ఇచ్చి ఈ మోసాలకు ఉపయోగించారు. పోలీసులు వారి వద్ద నుండి 15 ల్యాప్‌టాప్‌లు, 128 ఏటీఎం కార్డులు, 89 మొబైల్ ఫోన్లు మరియు అనేక సిమ్ కార్డులను స్వాధీనం చేసుకున్నారు.