బెంగళూరు సిటీ పోలీసులు నిర్వహించిన ప్రత్యేక ఆపరేషన్‌లో గుర్తించిన అనుమానిత అక్రమ వలసదారులను, తదుపరి చట్టపరమైన చర్యల కోసం నివేదికతో సహా ఫారిన్లర్స్ రీజినల్ రిజిస్ట్రేషన్ ఆఫీస్ (FRRO) ముందు హాజరుపరిచారు. బెంగళూరు సిటీ పోలీస్ కమిషనర్ సీమంత్ కుమార్ సింగ్ మాట్లాడుతూ, ఇప్పటివరకు 105 మంది అక్రమ వలసదారులను గుర్తించామని, మరికొందరి పత్రాల పరిశీలన కొనసాగుతోందని తెలిపారు.

పోలీసుల గణాంకాల ప్రకారం, వైట్‌ఫీల్డ్ పరిధిలో 35 పోలీసు బృందాలు 1,035 మందిని తనిఖీ చేయగా, 62 మంది అక్రమ వలసదారులు తేలారు. అలాగే, ఎలక్ట్రానిక్ సిటీ పరిధిలో 23 పోలీసు బృందాలు 1,909 మందిని తనిఖీ చేసి, 43 మంది అక్రమ వలసదారులను గుర్తించారు. నిర్ణీత ప్రామాణిక నిర్వహణ విధానం (SOP) ప్రకారమే ఈ చర్యలు తీసుకున్నట్లు పోలీసులు పేర్కొన్నారు.