కర్ణాటకలోని కలబూర్గిలో ఒక వ్యక్తి తన నడుముకు పేలుడు పదార్థాలు కట్టుకుని ఆత్మహత్య చేసుకోవడంతో అతని 15 ఏళ్ల కుమార్తె మరణించింది. ఈ ఘటనలో మరో ఐదుగురు తీవ్రంగా గాయపడ్డారు.
కర్ణాటకలోని కలబూర్గి జిల్లా మట్కి టాండాలో మంగళవారం ఉదయం ఒక భయంకరమైన ఘటన చోటుచేసుకుంది. 49 ఏళ్ల శివలాల్ బాలిరామ్ రాథోడ్ తన నడుముకు పేలుడు పదార్థాలను కట్టుకుని, ఇంటి తలుపులు లోపలి నుండి వేసి చేసుకుని పేల్చేశాడు. ఈ భారీ పేలుడు కారణంగా శివలాల్ మరియు అతని 15 ఏళ్ల కుమార్తె వీరా ప్రాణాలు కోల్పోయారు.
ఈ పేలుడు ప్రభావంతో చుట్టుపక్కల ఇళ్లు కూడా దెబ్బతిన్నాయి. శివలాల్ భార్య సవిత, కుమారుడు ప్రకాష్ మరియు ఇతర బంధువులు తీవ్రంగా గాయపడ్డారు. వీరందరినీ కలబూర్గి జిల్లా ఆసుపత్రిలో చేర్పించారు. శివలాల్ పుణేలోని ఒక స్టోన్ క్వారీలో పనిచేసేవాడు, అక్కడ పేలుడు పదార్థాల వినియోగంపై అతనికి అవగాహన ఉంది. కుటుంబ కలహాల కారణంగానే అతను ఈ ఘోర నిర్ణయం తీసుకున్నట్లు పోలీసులు అనుమానిస్తున్నారు.
