ఫ్రాన్స్ రాఫెల్ ప్రోగ్రామ్ కోసం అంతర్జాతీయ భాగస్వాములను కోరుకుంటున్నప్పటికీ, కీలకమైన సాంకేతికతను పంచుకోవడానికి వెనుకాడటం చర్చనీయాంశమైంది. ముఖ్యంగా RBE2 AESA రాడార్, MDPU మిషన్ కంప్యూటర్ మరియు SPECTRA ఎలక్ట్రానిక్-వార్‌ఫేర్ సూట్ యొక్క సోర్స్ కోడ్‌ను అందించడానికి ఫ్రాన్స్ సిద్ధంగా లేదు. ఈ వ్యవస్థలే యుద్ధ విమానం యొక్క డిజిటల్ ఆర్కిటెక్చర్‌ను మరియు సెన్సార్ ఫ్యూషన్‌ను నియంత్రిస్తాయి.

భారత్ కేవలం విమానాలను కొనడమే కాకుండా, రాబోయే దశాబ్దాల కోసం పారిశ్రామిక స్వయంప్రతిపత్తిని కోరుకుంటోంది. ఒకవేళ ఈ సాంకేతికత లభించకపోతే, భవిష్యత్తులో స్వదేశీ క్షిపణులను (అస్త్ర వంటివి) అమర్చాలన్నా లేదా విమానాన్ని అప్‌గ్రేడ్ చేయాలన్నా ఫ్రాన్స్ అనుమతి కోసం ఎదురుచూడాల్సి వస్తుంది. ఈ క్రమంలో రష్యా తన Su-57E విమానాల సోర్స్ కోడ్‌ను అందించతానని ప్రతిపాదన చేయడంతో, చర్చల వేదికపై భారత్ బలం పెరిగింది.