ప్రస్తుతం నగరాల్లో ఏసీల వాడకం విపరీతంగా పెరిగింది. అయితే ఏసీతో పాటు కొన్ని గృహోపకరణాలను వాడటం వల్ల విద్యుత్ బిల్లులు భారీగా పెరుగుతాయి. ప్రతి ఇంటి విద్యుత్ కనెక్షన్ ఒక నిర్దిష్ట లోడ్ సామర్థ్యాన్ని (2kW, 3kW లేదా 4kW) కలిగి ఉంటుంది. ఏసీతో పాటు అధిక వోల్టేజ్ కలిగిన ఇతర పరికరాలను ఒకేసారి వాడితే, విద్యుత్ డిమాండ్ పెరిగి లోడ్ సామర్థ్యం మించిపోతుంది.

మీటర్ నిర్ణీత లోడ్ కంటే ఎక్కువ లోడ్ ఉన్నప్పుడు, కేవలం కరెంటు బిల్లు పెరగడమే కాకుండా, విద్యుత్ శాఖ వారు ఓవర్‌లోడ్ పెనాల్టీ కూడా విధిస్తారు. ముఖ్యంగా వాటర్ గీజర్, హెయిర్ డ్రైయర్ మరియు ఇండక్షన్ కుక్‌టాప్ వంటివి ఏసీతో పాటు వాడితే ప్రమాదం. ఇండక్షన్ కుక్‌టాప్ సుమారు 1.5kW విద్యుత్తును వినియోగించుకుంటుంది, ఇది మీ మీటర్‌పై తక్షణమే ఒత్తిడిని పెంచుతుంది.