'లాక్ అప్ 2'లో ఈ వారం పోటీదారులు తమ జీవితంలోని అతిపెద్ద రహస్యాన్ని వెల్లడించాల్సి వచ్చింది. ఈ క్రమంలో సోషల్ మీడియా ఇన్ఫ్లుయెన్సర్ శ్రేయా కల్రా తన జీవితంలోని ఒక చీకటి సత్యాన్ని బయటపెట్టారు. 13 ఏళ్ల వయసులో తన కజిన్ (బంధువు) తనను లైంగికంగా వేధించాడని ఆమె వెల్లడించారు. ఈ విషయాన్ని విన్న ఇతర పోటీదారులు కూడా భావోద్వేగానికి లోనయ్యారు.

ఈ రహస్యాన్ని ఎందుకు దాచిపెట్టానని అడిగినప్పుడు, ఇది తన కుటుంబాన్ని తీవ్రంగా ప్రభావితం చేస్తుందని ఆమె చెప్పారు. ఆ వ్యక్తి తల్లి చనిపోయాక, తన తల్లి అతడిని సొంత కొడుకులా చూసుకున్నారని, ఈ నిజం తెలిస్తే తన తల్లి కుంగిపోతారని ఆమె ఆవేదన వ్యక్తం చేశారు. అలాగే, తన సోదరుడి వివాహ జీవితం ఈ విషయంతో ఇబ్బంది పడకూడదని కూడా ఆమె పేర్కొన్నారు.