రాపర్, గాయకుడు మరియు సోషల్ మీడియా ప్రముఖుడు సాంటీ శర్మ శనివారం ముంబైలో నిర్వహించిన ప్రెస్ కాన్ఫరెన్స్‌లో 'ఆరక్షణ్ హటావో – ఆగస్ట్ క్రాంతి' అనే కొత్త ప్రజా అవగాహన ప్రచారాన్ని ప్రకటించారు. ఈ కార్యక్రమంలో నటుడు పునీత్ వశిష్ఠ పాల్గొని, ఈ చొరటకి తన మద్దతును తెలియజేశారు.

రిజర్వేషన్లు మరియు విద్యార్థి ఉద్యమాల రాజకీయీకరణపై సోషల్ మీడియాలో వస్తున్న ప్రశ్నలకు సమాధానం ఇవ్వడానికే ఈ సమావేశాన్ని ఏర్పాటు చేసినట్లు సాంటీ శర్మ తెలిపారు. తాను ఏ రాజకీయ పార్టీకి చెందినవాడిని కాదని, ఈ ప్రచారం పూర్తిగా స్వతంత్రమైనదని ఆయన స్పష్టం చేశారు. రిజర్వేషన్ల అంశంపై ప్రజల్లో అవగాహన పెంచడమే ఈ ఉద్యమ లక్ష్యమని ఆయన పేర్కొన్నారు.

పోటీ పరీక్షల్లో ప్రతిభకు ప్రాధాన్యత ఇవ్వాలని, ఆర్థిక అవసరాల ఆధారంగా సహాయం అందించాలని నటుడు పునీత్ వశిష్ఠ తన అభిప్రాయాన్ని వ్యక్తం చేశారు. సాంటీ శర్మ తన రాబోయే 'ఆగస్ట్ క్రాంతి' పాట గురించి కూడా వివరించారు, ఇది సామాజిక సమస్యలపై దృష్టి సారిస్తుందని ఆయన చెప్పారు. ఈ ప్రచారం ప్రధానంగా సోషల్ మీడియా ద్వారా కొనసాగుతుంది.