సౌత్ ఇండియన్ ఇంటర్నేషనల్ మూవీ అవార్డ్స్ (SIIMA) 2026 నామినేషన్ల జాబితా తాజాగా వెల్లడైంది. తెలుగు చిత్రాల్లో 'మిరాయ్' సినిమా అత్యధికంగా 11 నామినేషన్లతో అగ్రస్థానంలో నిలిచింది. 'సంక్రాంతికి వస్తున్నాం' 10 నామినేషన్లతో, 'తండేల్' మరియు 'కోర్ట్' సినిమాలు తలా 9 నామినేషన్లను సొంతం చేసుకున్నాయి. ఈ వేడుకలు సెప్టెంబర్ 11, 12 తేదీల్లో జరగనున్నాయి.

ఉత్తమ నటుడి విభాగంలో ఈసారి పోటీ అత్యంత ఉత్కంఠభరితంగా ఉంది. పవన్ కళ్యాణ్ (OG) తో పాటు ధనుష్ (కుబేర), నాని (హిట్ 3), నాగచైతన్య (తండేల్), తేజ సజ్జా (మిరాయ్) మరియు వెంకటేశ్ (సంక్రాంతికి వస్తున్నాం) నామినేషన్లలో ఉన్నారు. వీరందరి సినిమాలు సూపర్ హిట్ కావడంతో, ఈ ఏడాది ఉత్తమ నటుడి అవార్డు ఎవరికి దక్కుతుందనే దానిపై అందరి దృష్టి పడింది.