జియా ఖాన్ ఆత్మహత్య కేసులో సుదీర్ఘ పోరాటం తర్వాత స్పెషల్ సిబిఐ కోర్టు నటుడు సూరజ్ పంచోలిని నిర్దోషిగా తేల్చింది. అయితే, కేసు ముగిసినా ఇప్పటికీ చాలామంది తప్పుడు సమాచారాన్ని మరియు సగం నిజాలను ప్రచారం చేస్తున్నారని ఆయన ఆవేదన వ్యక్తం చేశారు. ఈ నేపథ్యంలో ఆయన ఇన్స్టాగ్రామ్ ద్వారా ఒక భావోద్వేగ సందేశాన్ని విడుదల చేశారు.

ఈ ఘటన జరిగినప్పుడు తనకు కేవలం 20 ఏళ్లు మాత్రమే ఉండేవని, తన యవ్వనంలోని అత్యంత కీలకమైన కాలం ఈ కేసు భారంతోనే గడిచిపోయిందని ఆయన పేర్కొన్నారు. జియా వ్యక్తిగత విషయాలను గౌరవిస్తూ ఇన్నాళ్లూ మౌనంగా ఉన్నానని, కానీ ప్రతిఫలంగా తనేమో నిందలు ఎదుర్కొంటున్నానని సూరజ్ తన పోస్ట్‌లో రాశారు. తప్పుడు హెడ్ లైన్లు మరియు తప్పుదోవ పట్టించే వీడియోల వల్ల తాను మళ్ళీ పాత బాధల్లోకి వెళ్తున్నట్లు తెలిపారు.