సినిమాలో ఎక్కువ మంది స్టార్స్ ఉండటం వల్ల నయనతార మొదట 'టాక్సిక్' సినిమాను తిరస్కరించాలని అనుకున్నట్లు వెల్లడించారు. కానీ కథ విన్నాక ఆమె నిర్ణయం మారింది.
'టాక్సిక్' చిత్ర ట్రైలర్ లాంచ్ ఈవెంట్లో నయనతార మాట్లాడుతూ, ఈ ప్రాజెక్ట్ కోసం గీతూ మోహన్ దాస్ ఆమెను సంప్రదించినప్పుడు తాను అంతగా ఆసక్తి చూపలేదని చెప్పారు. సాధారణంగా ఎక్కువ మంది స్టార్స్ ఉన్న సినిమాలను ఎంచుకోవడానికి తాను కొంత భయపడతానని, అందుకే మొదట వద్దని చెప్పానని ఆమె వివరించారు.
కానీ కథ విన్న తర్వాత తన ఆలోచన మారిపోయిందని, ఈ గొప్ప కథను చెప్పడానికి దర్శకురాలు ఎంతో కృషి చేశారని ఆమె కొనియాడారు. అలాగే, హీరో యష్ ఈ సినిమా కోసం తన వ్యక్తిగత జీవితాన్ని, సమయాన్ని ఎంతగా త్యాగం చేశారో నయనతార ప్రశంసించారు. కియారా అద్వానీ కూడా ఈ సినిమా తన కెరీర్ను మలుపు తిప్పుతుందని ఆశాభావం వ్యక్తం చేశారు.
