మెల్బోర్న్ ఇండియన్ ఫిలిం ఫెస్టివల్ (IFFM) వేదికగా రాణి ముఖర్జీ తన అద్భుతమైన నటనకు గాను ప్రత్యేక గౌరవాన్ని అందుకున్నారు. ఆస్ట్రేలియాలోని లా ట్రోబ్ యూనివర్సిటీ ఆమెను 'ఆనర్రరీ డాక్టర్ ఆఫ్ లెటర్స్' (D.Litt.) బిరుదుతో సత్కరించింది. ఈ గౌరవం అందుకున్న సమయంలో రాణి భావోద్వేగానికి లోనై కన్నీళ్లు పెట్టుకున్నారు.

సినిమా రంగంలో మూడు దశాబ్దాల కృషి మరియు మహిళల హక్కుల కోసం ఆమె చేసిన పోరాటాన్ని గుర్తిస్తూ ఈ సత్కారం జరిగింది. షారుఖ్ ఖాన్ తర్వాత లా ట్రోబ్ యూనివర్సిటీ నుండి ఈ అత్యున్నత గౌరవం పొందిన రెండో భారతీయ సినీ ప్రముఖురాలు రాణి. ఈ సందర్భంగా ఆమె తన కుమార్తె ఆదిరాను తలుచుకుంటూ, 'ఐ లవ్ యూ ఆదిరా' అని చెబుతూ భావోద్వేగానికి లోనయ్యారు.