టెలివిజన్ నటుడిగా తన ప్రయాణాన్ని మొదలుపెట్టి, నేడు బాలీవుడ్‌లో అత్యంత ప్రతిభావంతుడైన నటుడిగా ఎదిగిన విక్రాంత్ మాస్సీ, తన కెరీర్‌లో ఎదుర్కొన్న కష్టాలను పంచుకున్నారు. 'ది సబర్మతి రిపోర్ట్' సినిమా విడుదలైన తర్వాత, సోషల్ మీడియాలో తీవ్రమైన విమర్శలు మరియు బెదిరింపులు ఎదుర్కోవాల్సి వచ్చింది. ఆ సినిమాను కొందరు 'ప్రొపగండా' అని విమర్శించారు.

ఈ క్రమంలో తన వాట్సాప్ నంబర్ మరియు కారు నంబర్ లీక్ అయ్యాయని, ప్రజలు బహిరంగంగా బెదిరింపులకు దిగారారని ఆయన వెల్లడించారు. ముఖ్యంగా తన కుమారుడు పుట్టిన సమయంలో ఇటువంటి సంఘటనలు జరగడం తన మానసిక ఆరోగ్యంపై తీవ్ర ప్రభావం చూపించిందని విక్రాంత్ ఆవేదన వ్యక్తం చేశారు.

అలాగే, '12th Fail' సినిమా భారీ విజయం సాధించిన తర్వాత ఎదురైన పేరు, ప్రతిష్ట మరియు బాధ్యతల గురించి కూడా ఆయన మాట్లాడారు. కెరీర్ శిఖరంలో ఉన్నప్పుడు తన కుటుంబం మరియు తండ్రి ఆరోగ్యం కోసం తాను ఎందుకు విరామం తీసుకున్నారో కూడా స్పష్టం చేశారు.