మార్వెల్ స్టూడియోస్ విడుదల చేసిన 'అవెంజర్స్: డూమ్స్డే' ట్రైలర్ సోషల్ మీడియాలో ప్రకంపనలు సృష్టిస్తోంది. రాబర్ట్ డౌనీ జూనియర్ విక్టర్ వన్ డూమ్ పాత్ర పోషిస్తున్నప్పటికీ, ట్రైలర్‌లోని కొన్ని క్లూస్ సినిమాలో ఇద్దరు డాక్టర్ డూమ్స్ ఉండవచ్చని సూచిస్తున్నాయి. ఒకరు రాబర్ట్ డౌనీ జూనియర్ పోషించే వేరియంట్ అయితే, మరొకరు అసలైన డూమ్ కావచ్చు అని ఫ్యాన్స్ అభిప్రాయపడుతున్నారు.

ట్రైలర్‌లో డూమ్ కళ్ల రంగు మరియు ముఖ కవళికల్లో తేడాలను అభిమానులు గమనించారు. రాబర్ట్ డౌనీ జూనియర్ కళ్లు గోధుమ రంగులో ఉంటే, ట్రైలర్‌లో కనిపించే డూమ్ కళ్లు నీలి-ఆకుపచ్చ రంగులో ఉన్నాయి. ఈ కారణంతోనే ప్రముఖ నటుడు సిలియన్ మర్ఫీ అసలైన డాక్టర్ డూమ్ కావచ్చని ఫ్యాన్స్ ఊహిస్తున్నారు. అంతేకాకుండా, ట్రైలర్‌లో డూమ్ రెండు వేర్వేరు దుస్తులను ధరించడం కూడా ఈ సిద్ధాంతానికి బలాన్ని చేకూరుస్తోంది.