ప్రస్తుతం బిగ్ బాస్ రియాలిటీ షో కంటెస్టెంట్ల ఎంపిక కోసం 'అగ్నిపరీక్ష' పేరుతో పరీక్షలు జరుగుతున్నాయి. ఈ ప్రక్రియ ద్వారా 15 మందిని ఫైనల్‌కు ఎంపిక చేస్తున్నారు. ఈ సెలక్షన్‌లో ఉప్పల్ బాలు కూడా పాల్గొన్నాడు, కానీ అతను ఫైనల్ లిస్ట్‌లో నిలవలేకపోయాడు. అభిజీత్, నవదీప్ మరియు బిందు మాధవి ఈ అగ్నిపరీక్షకు జడ్జిలుగా వ్యవహరిస్తున్నారు.

నవదీప్ తనను బిగ్ బాస్‌లోకి వెళ్లకుండా అడ్డుకున్నాడని ఉప్పల్ బాలు ఆరోపిస్తున్నారు. తనను అవమానిస్తూ సోషల్ మీడియాలో వీడియోలు పెడుతున్నాడని ఆయన పేర్కొన్నారు. స్టేజ్‌పైకి పిలిచి కూడా తనకు ఎలాంటి టాస్క్ ఇవ్వకుండా, పాట పాడే అవకాశం కూడా ఇవ్వకుండా అవమానించారని బాలు విమర్శించారు. అభిజీత్ తనకు గ్రీన్ కార్డ్ ఇవ్వబోతుంటే, నవదీప్ అడ్డుకున్నాడని ఆయన ఆరోపణ చేశారు.

నేను పేద కుటుంబం నుంచి వచ్చానని, నాపై నీకు ఎందుకు అంత కుళ్లు అని నవదీప్‌ను ప్రశ్నించారు. నవదీప్ ప్రవర్తన వల్ల తనకు రావాల్సిన అవకాశం పోయి, తన జీవితం నాశనమైపోయిందని భావోద్వేగంతో సోషల్ మీడియాలో వీడియో విడుదల చేశారు.