అంబలలో గురుద్వారా పంజోఖ్రా సాహిబ్ వద్ద సిక్ కమ్యూనిటీ సభ్యులు చేపట్టిన నిరసన హింసాత్మకంగా మారింది. ఇంటర్నేషనల్ యాంటీ-ఖలిస్తానీ టెర్రరిస్ట్ ఫ్రంట్ అధ్యక్షుడు గూర్స్మ్రన్ సింగ్ మాంద్ పై చర్యలు తీసుకోవాలని డిమాండ్ చేస్తూ నిరసనకారులు ఢిల్లీ-అమృత్‌సర్ జాతీయ రహదారిని అడ్డుకున్నారు. ఈ క్రమంలో జరిగిన ఘర్షణలో ఒక డిఎస్పీతో సహా ఆరుగురు పోలీసులు తీవ్రంగా గాయపడ్డారు.

చీకటి పడ్డాక కొందరు దుండగులు కత్తులు, గొడ్డళ్లతో పోలీసులపై దాడి చేశారని అంబలా ఎస్పీ అజిత్ సింగ్ షెఖావత్ తెలిపారు. ట్రాఫిక్ పునరుద్ధరించడానికి పోలీసులు లాఠీఛార్జ్ చేయాల్సి వచ్చిందని, ప్రస్తుతం రహదారిని క్లియర్ చేశామని ఆయన పేర్కొన్నారు. నిందితులను గుర్తించి కఠిన చర్యలు తీసుకుంటామని పోలీసులు ప్రకటించారు.