లాహోర్కు చెందిన సనా అనే యువతి ప్రేమలో పడి, సరైన పత్రాలు లేకుండా పాకిస్తాన్ వెళ్ళిన బాదల్, ఒక సంవత్సరం జైలు శిక్ష పూర్తి చేసినా ప్రస్తుతం లాహోర్లోని డిటెన్షన్ సెంటర్లో ఉన్నారు.
ఢిల్లీలో టైలరింగ్ పని చేసే 21 ఏళ్ల బాదల్ బాబు, లాహోర్కు చెందిన సనా రాణి ప్రేమలో పడి చట్టవిరుద్ధంగా పాకిస్తాన్ సరిహద్దులు దాటారు. అక్కడ అనధికారికంగా ప్రవేశించినందుకు కోర్టు అతనికి ఏడాది జైలు శిక్ష విధించింది. శిక్ష ముగిసినప్పటికీ, అతను ఇంకా భారత్కు తిరిగి రాలేకపోవడంతో ప్రస్తుతం లాహోర్ డిటెన్షన్ సెంటర్లో ఉండాల్సి వస్తోంది.
బాదల్ తీవ్రమైన కిడ్నీ వ్యాధితో బాధపడుతున్నట్లు అతని కుటుంబ సభ్యులు తెలిపారు. అతన్ని త్వరగా భారత్కు తీసుకురావాలని వారు భారత ప్రభుత్వం మరియు విదేశీ వ్యవహారాల మంత్రిత్వ శాఖను వేడుకుంటున్నారు. లండన్కు చెందిన పూనమ్ అనే మహిళ ఈ కేసులో న్యాయపరమైన సహాయం అందిస్తున్నారు. భారత రాయబార కార్యాలయం జోక్యం చేసుకుంటేనే బాదల్ తన స్వదేశానికి చేరుకోగలడని కుటుంబ సభ్యులు ఆశిస్తున్నారు.
