సింధు జల ఒప్పందం విషయంలో పాకిస్తాన్ ప్రవర్తనపై భారత రాయబారి వినయ్ క్వాట్రా ఘాటుగా స్పందించారు. ఉగ్రవాదం మరియు చర్చలు కలిసి నడవలేవని, రక్తము మరియు నీరు కలిసి ప్రవహించలేవని ఆయన స్పష్టం చేశారు.
అమెరికాలో భారత రాయబారి వినయ్ క్వాట్రా 1960 సింధు జల ఒప్పందం (IWT) పై భారత్ తీసుకున్న నిర్ణయాలను సమర్థించారు. పహల్గామ్లో జరిగిన భయంకరమైన ఉగ్రదాడికి ప్రత్యుత్తారంగానే భారత్ ఈ నిర్ణయం తీసుకుందని ఆయన పేర్కొన్నారు. ఈ ఒప్పందం స్నేహపూర్వక ఉద్దేశంతో చేయబడినప్పటికీ, పాకిస్తాన్ గత అర శతాబ్దంగా ఆ స్నేహ భావాన్ని తుడిచిపెట్టేయడమే చేశారని ఆయన విమర్శించారు.
ప్రధాని నరేంద్ర మోదీ వైఖరి స్పష్టంగా ఉందని, ఉగ్రవాదం మరియు చర్చలు ఒకేసారి సాగలేవని క్వాట్రా తెలిపారు. 'రక్తం మరియు నీరు కలిసి ప్రవహించలేవు' అని ఆయన నొక్కి చెప్పారు. తమ దేశంలోని అంతర్గత సమస్యల నుండి దృష్టి మళ్లించడానికి పాకిస్తాన్ తరచుగా యుద్ధ హెచ్చరికలు జారీ చేస్తోందని ఆయన విమర్శించారు.
