ఆగస్టు 5న పదవి కోల్పోయిన బంగ్లాదేశ్ మాజీ ప్రధాని షేక్ హాసినా నిర్వహించిన మీడియా ఈవెంట్‌లో భారత ప్రభుత్వానికి ఎటువంటి పాత్ర లేదని భారత్ శుక్రవారం స్పష్టం చేసింది. ఆ ఫోరంలో బంగ్లాదేశ్ ప్రస్తుత ప్రభుత్వం గురించి చేసిన ఏ ప్రకటనలను తాము సమర్థించబోమని విదేశీ వ్యవారాల మంత్రిత్వ శాఖ ప్రతినిధి రంధీర్ జైస్వాల్ తెలిపారు. ఇది ఒక ప్రైవేట్ మీడియా సంస్థ ద్వారా నిర్వహించబడిన కార్యక్రమమని ఆయన పేర్కొన్నారు.

ఇటీవలి వర్చువల్ ప్రెస్ కాన్ఫరెన్స్‌లో హాసినా మాట్లాడుతూ, తాను డిసెంబర్ నెలలో బంగ్లాదేశానికి తిరిగి వెళ్లాలని యోచిస్తున్నట్లు ప్రకటించారు. తన వ్యక్తిగత భద్రత గురించి తాను ఆందోళన చెందడం లేదని, బంగ్లాదేశ్ ప్రజల భవిష్యత్తు మరియు అభివృద్ధి కోసం తాను తిరిగి వెళ్లాలని ఆమె కోరుకుంటున్నట్లు తెలిపారు.

అయితే, ఈ అంశంపై బంగ్లాదేశ్ విదేశీ మంత్రిత్వ శాఖ తీవ్ర ఆగ్రహం వ్యక్తం చేసింది. ఢిల్లీలో ఇటువంటి కార్యక్రమానికి అనుమతి ఇవ్వడం వల్ల ద్వైపాక్షిక సంబంధాలపై ప్రభావం పడుతుందని వారు ఆందోళన వ్యక్తం చేశారు. ప్రస్తుతం హాసినా పార్టీ అయిన ఆవామీ లీగ్ బంగ్లాదేశ్‌లో నిషేధించబడింది.