కెనడా సరిహద్దు దాటి అమెరికాలోకి అక్రమంగా ప్రవేశించిన భారతీయులను స్మగ్లింగ్ చేసిన కేసులో న్యూయార్క్‌కు చెందిన మహిళ కోర్టులో తన నేరాన్ని అంగీకరించింది. సరిహద్దు దాటిన వలసదారులను తాను వాహనంలో పికప్ చేసుకుని వారి గమ్యస్థానాలకు చేర్చినట్లు ఆమె ఒప్పుకుంది. ఈ వ్యవహారం అంతర్జాతీయ మానవ అక్రమ రవాణా ముఠాల గుట్టును రట్టు చేసింది.

ఇటీవలి కాలంలో కెనడా సరిహద్దు ద్వారా అమెరికాలోకి అక్రమంగా ప్రవేశించే వారి సంఖ్య గణనీయంగా పెరిగింది. ఈ క్రమంలోనే అమెరికా సరిహద్దు భద్రతా దళాలు నిఘా తీవ్రం చేయడంతో ఈ స్మగ్లింగ్ వ్యవహారం వెలుగులోకి వచ్చింది. నిందితురాలికి కోర్టు కఠిన శిక్ష విధించే అవకాశం ఉందని అధికారులు తెలిపారు.