పాకిస్థాన్ మాజీ ప్రధాని ఇమ్రాన్ ఖాన్ మరణించారంటూ సోషల్ మీడియాలో పెద్ద ఎత్తున వదంతులు వ్యాపించాయి. సైనిక వర్గాల సమాచారం అంటూ ఒక పాక్ జర్నలిస్ట్ చేసిన ఈ వ్యాఖ్యలను తర్వాత ఉపసంహరించుకున్నారు. ఇమ్రాన్ ఖాన్ క్షేమంగానే ఉన్నారని పాక్ ఆర్మీ స్పష్టం చేయగా, తమ నేతకు ఏమైనా జరిగితే 20 లక్షల మందితో ఉద్యమిస్తామని పీటీఐ హెచ్చరించింది.
పాకిస్థాన్ మాజీ ప్రధానమంత్రి ఇమ్రాన్ ఖాన్ భద్రత, ఆరోగ్యంపై ఒక్కసారిగా తీవ్ర ఆందోళనలు వ్యక్తమయ్యాయి. సైనిక వర్గాల కథనం ప్రకారం ఇమ్రాన్ ఖాన్ ఇక లేరంటూ ఓ ప్రముఖ పాకిస్థానీ జర్నలిస్ట్ చేసిన వ్యాఖ్యలు దేశవ్యాప్తంగా కలకలం రేపాయి. అయితే, తీవ్ర దుమారం రేగడంతో ఆ జర్నలిస్ట్ తన ప్రకటనను వెనక్కి తీసుకున్నారు.
ఈ ఫేక్ న్యూస్పై పాకిస్థాన్ సైన్యం అరుదైన రీతిలో స్పందిస్తూ ఒక ప్రకటన విడుదల చేసింది. ఇమ్రాన్ ఖాన్ మరణించలేదని, ఆయన సురక్షితంగానే ఉన్నారని ఆర్మీ స్పష్టం చేసింది. మరోవైపు, తమ నేతకు ఎలాంటి హాని తలపెట్టినా 20 లక్షల మంది మద్దతుదారులు వీధుల్లోకి రావడానికి సిద్ధంగా ఉన్నారని ఇమ్రాన్ ఖాన్ పార్టీ పిటిఐ (PTI) తీవ్రంగా హెచ్చరించింది.
ఇదే సమయంలో, జైల్లో ఉన్న ఇమ్రాన్ ఖాన్, ఆయన భార్య బుష్రా బీబీలకు కల్పిస్తున్న సౌకర్యాల విషయంలో పాకిస్థాన్పై ఒత్తిడి తీసుకురావాలని అమెరికా ఎంపీలు తమ విదేశాంగ శాఖను కోరుతున్నారు. ఈ పరిణామాలు పాక్ రాజకీయాల్లో మరింత వేడిని పెంచాయి.
