యూఎస్ సిటిజన్‌షిప్ అండ్ ఇమ్మిగ్రేషన్ సర్వీసెస్ (USCIS) సెప్టెంబర్ 15 నుండి వీసా పొడిగింపునకు సంబంధించిన కీలక ఇమ్మిగ్రేషన్ ఫారాలలో మార్పులు చేయబోతోంది. ఈ కొత్త నిబంధనల ప్రకారం, పాత ఫారాలను సమర్పించడానికి ఎటువంటి అదనపు సమయం లేదా గ్రేస్ పీరియడ్ ఉండదు. గడువు దాటిన తర్వాత పాత ఫారాల ద్వారా దరఖాస్తు చేస్తే అవి తిరస్కరణకు గురయ్యే ప్రమాదం ఉంది.

మరోవైపు, అమెరికాలో భారతీయ విద్యార్థుల నమోదు గత 29 నెలల్లో ఎన్నడూ లేనంతగా క్షీణించింది. విదేశీ విద్యార్థుల సంఖ్య దాదాపు 9.5% నుండి 9.6% వరకు తగ్గే అవకాశం ఉందని నివేదికలు చెబుతున్నాయి. ఈ కొత్త ఇమ్మిగ్రేషన్ మార్పులు భారతీయ విద్యార్థులు మరియు ఉద్యోగ అభ్యర్థులపై మరింత ప్రభావం చూపే అవకాశం ఉంది.