స్వాతంత్ర్య దినోత్సవాన్ని పురస్కరించుకుని జమ్మూ కాశ్మీర్‌లో భద్రతా ఏర్పాట్లు భారీగా పెంచబడ్డాయి. పూంచ్‌లోని మెంధర్ సెక్టార్‌లో నిర్మాణంలో ఉన్న టన్నెల్ సమీపంలో అనుమానాస్పద కదలికలు కనిపించడంతో భద్రతా దళాలు ఆపరేషన్ ప్రారంభించాయి. భద్రతా సిబ్బంది ముందుజాగ్రత్తగా కాల్పులు జరిపిన అనంతరం, అటవీ ప్రాంతాలను ముట్టడించారు.

మరోవైపు, డోడా జిల్లాలోని భదర్‌వా ప్రాంతంలో ఉగ్రవాదుల కదలికల గురించి స్థానికులు సమాచారం ఇవ్వడంతో భద్రతా దళాలు గాలింపు చర్యలు చేపట్టాయి. శ్రీనగర్‌లోని లాల్ చౌక్ వంటి కీలక ప్రాంతాల్లో, మార్కెట్లు మరియు హోటళ్లలో తనిఖీలు ముమ్మరం చేశారు. కాశ్మీర్ పండితులపై ఆన్‌లైన్ బెదిరింపులు రావడంతో భద్రతా వ్యవస్థ మరింత అప్రమత్తంగా ఉంది.