మహారాష్ట్ర ప్రభుత్వం రైతులకు సంబంధించిన ₹48,000 కోట్ల పాత విద్యుత్ బకాయిలను రద్దు చేస్తున్నట్లు సంచలన నిర్ణయం తీసుకుంది. ముఖ్యమంత్రి దేవేంద్ర ఫడ్నవీస్ మాట్లాడుతూ, ఈ బకాయిల రద్దు వల్ల రైతులకు కొత్త విద్యుత్ కనెక్షన్లు పొందడంలో ఉన్న అడ్డంకులు తొలగిపోతాయని తెలిపారు. ప్రస్తుతం అమలవుతున్న 'ముఖ్యమంత్రి బలిరాజా ఉచిత విద్యుత్ యోజన' కింద రైతులకు పగటిపూట 7.5 హెచ్‌పీ వరకు ఉచిత విద్యుత్‌ను అందిస్తున్నారు.

అయితే, ఈ బకాయిల రద్దు వెనుక బలమైన ఆర్థిక వ్యూహం ఉంది. మహారాష్ట్ర స్టేట్ ఎలక్ట్రిసిటీ డిస్ట్రిబ్యూషన్ కంపెనీ లిమిటెడ్ (MSEDCL)ని పునర్వ్యవస్థీకరించి, దాని వ్యవసాయేతర విభాగాన్ని డిసెంబర్‌లో ఐపీఓ (IPO) ద్వారా స్టాక్ మార్కెట్‌లో ప్రవేశపెట్టాలని ప్రభుత్వం యోచిస్తోంది. బకాయిలను క్లియర్ చేయడం ద్వారా కంపెనీ బ్యాలెన్స్ షీట్ మెరుగుపడి, మార్కెట్ నుండి సులభంగా పెట్టుబడులను ఆకర్షించే అవకాశం ఉంది. తద్వారా స్టాక్ మార్కెట్‌లో లిస్ట్ కాబోతున్న దేశంలోనే మొదటి ప్రభుత్వ రంగ విద్యుత్ పంపిణీ సంస్థగా MSEDCL నిలవనుంది.