అంతర్జాతీయ సరిహద్దుకు 1 కిలోమీటరు లోపు ఎటువంటి సోలార్ లేదా విండ్ ఎనర్జీ ప్రాజెక్టులను చేపట్టకూడదని కేంద్ర హోమ్ మినిస్ట్రీ కొత్త మార్గదర్శకాలు జారీ చేసింది. చైనా, పాకిస్థాన్ మరియు బంగ్లాదేశ్ ఇంజనీర్లను నియమించుకోవడానికి ప్రత్యేక అనుమతి అవసరం.
అంతర్జాతీయ సరిహద్దుకు 1 కిలోమీటరు లోపు ఎటువంటి సౌర, పవన లేదా హైబ్రిడ్ పునరుత్పాదక ఇంధన ప్రాజెక్టులను అనుమతించకూడదని కేంద్ర హోమ్ మంత్రిత్వ శాఖ (MHA) కొత్త జాతీయ భద్రతా మార్గదర్శకాలను విడుదల చేసింది. సరిహద్దు నుండి 50 కిలోమీటర్ల పరిధిలో ఉన్న ప్రాజెక్టులకు హోమ్ మినిస్ట్రీ నుండి భద్రతా అనుమతి తప్పనిసరి.
ఈ కొత్త నిబంధనల ప్రకారం, ప్రాజెక్ట్ డెవలపర్లు కేంద్ర ప్రభుత్వ ముందస్తు అనుమతి మరియు హోమ్ మినిస్ట్రీ క్లియరెన్స్ లేకుండా భూమిని విదేశీ కంపెనీలకు బదిలీ చేయకూడదు. ముఖ్యంగా చైనా, పాకిస్థాన్ మరియు బంగ్లాదేశ్కు చెందిన ఇంజనీర్లు లేదా సిబ్బందిని నియమించుకోవాలంటే హోమ్ మినిస్ట్రీ నుండి ప్రత్యేక అనుమతి తీసుకోవాలి.
భద్రతా పరమైన కారణాల దృష్ట్యా, ప్రాజెక్ట్ ప్రాంతాలలో యాంటీ-డ్రోన్ వ్యవస్థలతో కూడిన మౌలిక సదుపాయాలను ఏర్పాటు చేయాలని ఆదేశించారు. అలాగే, సరిహద్దు ప్రాంతాల్లో భవనాల ఎత్తు మరియు నివాస సదుపాయాలపై కూడా కఠినమైన పరిమితులను విధించారు.
