ఛత్తీస్‌గఢ్‌లోని కాంకేర్‌ జిల్లా పఖాంజూర్ గ్రామానికి చెందిన దేవ్‌జిత్ సర్కార్ గత ఎనిమిదేళ్లుగా స్నేక్ క్యాచర్‌గా పనిచేస్తున్నాడు. నివాస ప్రాంతాల్లోకి వచ్చే పాములను పట్టుకుని సురక్షిత ప్రాంతాలకు తరలించడం అతని పని. ఈ క్రమంలో ఒక పామును పట్టుకోవడానికి ప్రయత్నించగా, అది అతన్ని కరిచింది.

ఆ పాము విషపూరితమా కాదా అని తెలుసుకోవాలనే ఉద్దేశంతో, ఆ పామును మెడకు చుట్టుకుని బైక్‌పై 14 కిలోమీటర్లు ప్రయాణించి ఆసుపత్రికి చేరుకున్నాడు. వైద్యులు పరీక్షించిన తర్వాత ఆ పాము విషపూరితం కాదని తేలింది. పామును మెడకు చుట్టుకుని రావడం చాలా ప్రమాదకరమని, అది విషపూరితమైనది అయితే ప్రాణాపాయం సంభవించేదని డాక్టర్ సంజీత్ వైష్ణవ్ తెలిపారు. దేవ్‌జిత్ ప్రస్తుతం క్షేమంగా ఉన్నాడు.